Trump ug Netanyahu, nagkasinabot aron tapuson ang nuclear threat sa Iran

Nagkasinabot si Israeli Prime Minister nga si Benjamin Netanyahu ug U.S. President Donald Trump nga kinahanglang tapuson sa bisan unsang pinal nga kasabutan ang giingong nuclear threat gikan sa nasud sa Iran.

Kini ang gipadayag ni Netanyahu niadtong Dominggo human sa panaghisgot  ni Trump niadtong Sabado sa gabii, nga gihulagway sa U.S. isip usa ka mabungahon pagnaghisgot. 

Sumala sa taho, nalakip sa giuyonan mao ang hingpit nga pagbungkag sa mga uranium enrichment facilities sa Iran ug ang pagkuha sa tanang enriched nuclear materials gikan sa teritoryo niini.

Gipahibalo sa Israeli leader nga nagpabilin nga lig-on ang ilang baruganan ni Presidente Trump nga dili tugotan nga makabaton og nuclear weapons ang nasud sa Iran.