Nagpasidaan si US President Donald Trump sa Taiwan batok sa pormal nga pagdeklarar og independensiya gikan sa China human sa iyang pagbisita sa Beijing.
Sa usa ka interbyu, gihatagan og gibug-aton ni Trump ang kamahinungdanon sa pagpaubos sa tensiyon. Matud niya, kinahanglang mobiyahe pa og 9,500 ka milya ang Amerika kon duna may gyera ug dili niya kini gusto. Dugang pa niya, dili usab gusto ni Chinese President Xi Jinping nga adunay mahitabong gubat.
Bisan pa niini, nanalipod ang Taiwan sa ilang baruganan nga dili na nila kinahanglang magdeklarar pa tungod kay giila na nila ang ilang kaugalingon isip usa ka gawasnong nasod.
Wala usab gikumpirma ni Trump kon panalipdan ba sa Amerika ang Taiwan kon ugaling sulongon kini sa China, apan matud niya, dulaan pa niya ang desisyon bahin sa $11 bilyones nga balor sa mga armas alang sa Taiwan human siya makig-estorya sa mga lider sa maong isla.