Gipahibalo sa National Grid Corporation of the Philippines (NGCP) nga mahimong muusbaw ang transmission charge sa bayranan sa kuryente karong Hulyo tungod sa pagsaka sa ancillary service rates.
Sumala sa NGCP, misaka og 0.77 porsyento ang average transmission rate alang sa Hunyo billing period ngadto sa P1.46 kada kilowatt-hour, gikan sa P1.4492 kada kilowatt-hour niadtong Mayo.
Gipasabot sa NGCP nga ang pagsaka sa bayranan tungod sa pagtaas sa ancillary service costs, nga mao ang bayad sa mga power generator alang sa pagmintinar sa kalig-on sa suplay sa kuryente.
Gipatin-aw usab sa korporasyon nga wala kini makaginansya sa ancillary service charges tungod kay direkta kining ibayad sa mga power provider ug sa Independent Electricity Market Operator of the Philippines.