Pitbull nakatala og world record sa dungan nga pagsul-ob og bald cap

Nakatala og bag-ong Guinness World Record ang 22,141 ka fans ni American rapper Pitbull human kini sabay-sabay nga nagsul-ob og bald cap atol sa iyang konsiyerto sa London, England.

Nahitabo ang record-breaking event sa BST Hyde Park Festival diin gisundog sa mga fans ang iladong kalbo nga hitsura sa singer nga nailhan usab isip “Mr. Worldwide.”

Tungod niini, opisyal nga nakuha nila ang titulo sa Guinness World Record alang sa pinakadaghang panagtapok sa mga tawo nga nagsul-ob og bald cap. Gumikan niini, nagpasalamat si Pitbull sa iyang mga fans sa ilang suporta ug sa pag-apil sa maong world record.