Gimandoan dinalian nga magpabilin lang una sa sulod sa ilang mga panimalay ang mga residente sa Mauriceville, Texas human natumba ang usa ka 18-wheeler nga trak nga nagkarga og kapin 50,000 ka buok sa mga putyokan, nga gibanabanang moabot sa kapin 2 ka milyon ka mga buyog.
Nahitabo ang maong aksidente sa dihang natumba ang trak atol sa pagliko niini, hinungdan sa pagkaguba sa mga balay sa putyokan ug pagkatibulaag sa bagang duot sa mga buyog sa tibuok palibot ug kadalanan. Swerte nga wala ra maangol ang drayber sa maong trak.
Aron maasikaso ang peligro nga sitwasyon, dinalian nga miresponde ang mga lokal nga beekeepers nga nagsul-ob og protective gear aron hinay-hinay ug luwas nga mabalhin ang mga buyog ngadto sa laing transportasyon paingon sa usa ka lokal nga honey farm.