Gikuwestiyon ang nahimong consultancy ni Terry Ridon sa City Government of Davao human giakusahan nga wala kini nakasumiter og trabaho ug accomplishment report sa tibuok panahon sa iyang pagserbisyo.
Matud sa nagpahayag, dugay na niyang nahibaw-an nga nagtrabaho isip consultant sa City Government of Davao si Ridon, apan wala niya kini dayon gibutyag aron mismo si Ridon ang makapadayag sa posibleng conflict of interest.
Giingon usab niini nga si Ridon unang gipalagpot sa Presidential Commission for the Urban Poor o PCUP ug miduol sa usa ka Dabawenyo nga iyang nailhan aron mangayo og tabang alang sa trabaho.
Matud pa, girekomenda si Ridon sa maong tawo tungod sa iyang kasinatian sa poverty programs.
Apan sumala sa bise presidente wala matud pa kini nakita nga nahimong trabaho ni Ridon isip consultant.Â
Giklaro usab niini nga wala siya maghisgot sa ngalan sa Dabawenyo nga giingong mitabang kang Ridon, apan andam kuno kini nga mosulti bahin sa maong insidente.
Nagpabiling sentro sa alegasyon ang kakulang kuno sa mga dokumento sa trabaho ug accomplishment report ni Ridon atol sa iyang consultancy sa City Government of Davao.