Nagbuy-od na ug puno sa mga samad sa liog ug tiyan ang usa ka baynte dos anyos nga tapasero human kini gituohang gidunggab sa Oadi Barangay San Jose lungsod sa Quezon Bukidnon.
Giila ni Police Lieutenant Colonel Erwin Naelga ang hepe sa Quezon Municipal Police Station ang biktima nga si Mark Batal Alimpitan kinsa dinalian nga gidala sa Bukidnon Provincial Hospital sa Maramag human makaplagang samdan niadtong Domingo sa gabii.
Base sa imbestigasyon sa kapolisan nagpahigayon og panagtigom ug panag-inom ang biktima uban ang iyang amahan apan pagka taod-taod nilakaw si Alimpitan kauban ang usa ka alyas Macmac. Pipila ka oras ang nilabay nakadawat na lang og tawag ang pamilya kabahin sa duguong kahimtang sa biktima.
Tungod kay si alyas Macmac ang katapusang nakauban ni Alimpitan gikonsidera kini karon sa mga otoridad isip Person of Interest.
Sa pagkakaron stable na ang kahimtang sa biktima sulod sa balay-tambalanan samtang midesisyon ang pamilya niini nga dili na mopasaka og legal nga kaso ug didto na lamang kini sulbaron sa ilang tribu.