Natapos na ang kampanya sa Pinay tennis star nga si Alex Eala ug sa Amerikanhong tennis legend nga si Venus Williams sa doubles competition sa Bad Homburg Open human sila napildi sa quarterfinals batok sa paresan nila ni Tereza Mihalikova sa Slovakia ug Olivia Nicholls sa Great Britain niadtong Huwebes, Hunyo 25.
Gidominar sa ikaduhang seed nga silang Mihalikova ug Nicholls ang dula pinaagi sa straight sets, 6-3, 6-2, sulod lang sa usa ka oras ug 20 minutos aron hingpit nga moabante sa semifinals sa WTA 500 tournament didto sa Germany.
Bisan pa man sa maong kapildihan, mipakita gihapon og nindot nga kombinasyon ang duha sa mubo nilang panag-uban human sa dako nilang daog sa unang round. Sa pagkakaron, dinalian nga ibalhin ni Eala ang iyang focus alang sa prestihiyosong Wimbledon Championships nga magsugod na sa sunod nga semana.