Patay ang usa ka armadong suspek human kini pusila sa mga law enforcement officer dihang nagpabuto kini og armas sa usa ka checkpoint duol sa White House niadtong Sabado sa gabii, Mayo 23 (oras sa Amerika). Matud sa pamahayag sa U.S. Secret Service nga gi-post sa social media, usa ka lalaki ang niduol sa checkpoint sa 17th Street ug Pennsylvania Avenue.
Kalit matud pa kining nikuot og pusil ang suspek gikan sa iyang bag ug gipamusil ang mga opisyal nga nag-duty. Dali usab nga nibalos og pusil ang mga sakop sa Secret Service hinungdan nga naigo ang suspek, ug gideklara kining patay na pag-abot sa ospital.
Atol sa panghitabo, gibabagan ang White House press briefing room.
Gipaubos sa dinalian nga lockdown ang White House complex diin ang mga sakop sa media o press corps nga anaa sa North Lawn daling gipapasulod sa White House briefing room.
Sa sulod sa White House, gipahimangnuan ang mga reporter nga mag-shelter in place o dili una mogawas samtang ang mga ahente sa Secret Service nisinggit og “get down” ug nipasidaan nga adunay “shots fired”.
Nakita usab ang mga ahente sa Secret Service nga nagdala og mga riple nga naglihok sa dapit sa North Lawn human sa insidente ug gibabagan ang White House press briefing room. Gilibkas ang lockdown pasado na alas 6:45 sa gabii (ET).
Samtang, si Presidente Donald Trump anaa sa sulod sa iyang pinuy-anan sa White House.