Gisuspetsahan sa akusado nga si Randy Cabrera Paran, 37 anyos, nga usa ka mambabarang ang iyang silingan nga 75-anyos nga babaye, rason sa iyang pagpatay ug pagsunog niini sa Barangay Labuagon, Kibawe, Bukidnon niadtong milabayng adlaw.
Sa Impormasyon na nakalap sa Bombo Radyo Malaybalay, gibutyag sa imbestigasyon sa Bukidnon Police Provincial Office nga una kining gibunalan sa palwa sa lubi ang ulo sa biktima, dayong gisunog ang lawas ug gihulog sa bangag.
Sumala ni PMaj. Jayvee Babaan, tigpamaba sa Bukidnon PPO, una nang nagtoo ang pamilya nga natural ang kamatayon sa biktima hangtod nga misurender si Paran sa Kibawe Municipal Police Station pinaagi sa tabang sa usa ka pastor.
Sa pagkakaron, naa na sa kustodiya sa kapulisan ang akusado ug nagatubang sa seryosong kaso kalabot sa makalilisang nga krimen batok sa iyang silingan