Senado, nadawat na ang suspension order ni Aplasca ug subpoena sa CCTV sa shooting incident

Nadawat na sa Senado ang kamanduan gikan sa Ombudsman nga suspindehon si Senate Sergeant-at-Arms Mao Aplasca apil na ang hangyo nga makuha ang CCTV footage sa insidente sa pagpamusil niadtong Mayo 13.

Duha ka mga personahe gikan sa Ombudsman ang mi-adto sa Senado aron ihatag ang preventive suspension order ug mangayo sa kopya sa CCTV.

Sumala ni Assistant Ombudsman Mico Clavano, nadawat na sa Senado ang order ug subpoena.

Kahinumduman, nga una nang gi-angkon ni Aplasca nga siya ang unang mipabuto og warning shot pagkakita niya sa usa ka ahente sa National Bureau of Investigation nga anaa sa gawas sa tulay nga nagdugtong sa Senado ug GSIS buildings.