Gisaway ni Senator Pia Cayetano si House lead prosecutor Rep. Gerville Luistro sa padayon nga impeachment trial batok kang Bise Presidente Sara Duterte kagahapong adlawa.
Matud ni House Lead Prosecutor Gerville Luistro, ang affidavit ni Arturo Lascañas gisumite aron ipakita ang nahitabo sa imbestigasyon sa espesyal nga task force ug dili pa kini ang katapusang basehan sa desisyon sa prosekusyon.
Apan gisupak ni Sen. Cayetano ang maong pahayag ni Luistro, diin iyang gipunting nga ang mga public document mao ang mga dokumentong giila o gi-acknowledge atubangan sa notaryo publiko ug wala kini natuman sa prosekusyon.
Gipahayag usab ni Sen. Pia Cayetano nga ang private document kinahanglan mapamatud-an pinaagi sa hustong authentication sama sa pagpamatuod sa saksi, pag-verify sa pirma, o uban pang ebidensya sa pagka-orihinal niini.
Giklaro ni Sen. Pia Cayetano nga kinahanglan ipresentar sa prosekusyon ang hustong saksi ug dokumentasyon aron mapamatud-an ang maong ebidensya ug matuman ang ilang responsibilidad sa impeachment trial.