Gihimakak sa kampo ni Senator Rodante Marcoleta ug sa kauban niining akusado nga si Joseph Espiritu ang mga pasangail batok kanila pinaagi sa pagpasaka og not guilty plea sa Sandiganbayan karong adlaw’ng Miyerkules, Hulyo 22.
Si Marcoleta mipasaka og not guilty plea sa kasong plunder ug (1 count) sa kasong paglapas sa Presidential Decree No. 46, nga nagdili sa mga opisyal ug empleyado sa gobyerno sa pagdawat og mga regalo ug nagdili usab sa mga pribadong indibidwal sa paghatag niini.
Ang duha ka laing kaso batok kang Marcoleta ubos sa PD No. 46 gidumala sa First ug Fourth Division sa Sandiganbayan.
Ang giingong campaign donor nga si Aristotle Viray maoy kaubang-akusado niini sa kaso sa First Division, samtang si kanhi Anakalusugan Party-list Representative Mike Defensor lakip usab sa kaso sa Fourth Division.
Samtang si Joseph Espiritu mipasaka usab og not guilty plea sa kasong paglapas sa Presidential Decree No. 46.