Gikuwestyon ni Senador Imee Marcos ang desisyon sa Office of the Ombudsman nga pagsuspendi ni Senate Sergeant-at-Arms Mao Aplasca human sa nahitabong pagpamusil sulod sa Senado niadtong Miyerkules, Mayo 13.
Kahinumduman nga niadtong Mayo 15, gipagawas ni Ombudsman Jesus Crispin Remulla ang unom ka bulan nga preventive suspension batok kang Aplasca, duha ka adlaw human sa kontrobersyal nga insidente sa pagpamusil.
Matud ni Marcos, kinahanglan usab nga suspendihon si National Bureau of Investigation o NBI Director Melvin Matibag.
Sigon niini, lahi-lahi ang mga pamahayag ni Matibag kalabot sa insidente nga nagpakita matud pa og mga inconsistencies sa bahin sa NBI.
Gipangutana usab sa senadora nganong ang NBI nga giingong βnamun-ogβ sa Office of the Sergeant-at-Arms wala masuspinde, samtang ang Senate security chief gilayon dayong gipailalom sa suspension.