Gipildi sa San Miguel Beermen ang NLEX Road Warriors, 135-133, apan napakyas gihapon sila sa pag-angkon sa No. 1 seed sa Group A sa PBA Season 50 Governors’ Cup human sa elimination round niadtong Miyerkules sa Ynares Sports Center sa Antipolo City.
Nakahuman ang duha ka team nga adunay parehas nga 9-3 nga baroganan, apan napabilin sa ikaduhang puwesto ang Beermen tungod sa ilang 110-96 nga kapildihan sa unang panagtagbo batok sa NLEX.
Nanguna sa San Miguel si import George King nga nakaiskor og 27 puntos, siyam ka rebounds, tulo ka assists ug upat ka blocks. Misang-at usab si June Mar Fajardo og 26 puntos ug 10 rebounds, samtang mitampo si Don Trollano og 23 puntos.
Bisan pa sa ilang pagdaog, ang NLEX nagpabiling No. 1 sa Group A ug moatubang sa No. 4 nga koponan sa Group B sa crossover quarterfinals.
Samtang, makigtagbo ang San Miguel, sa No. 3 spot nga koponan sa Group B.