Gibutyag sa legal experts nga walay klarong legal nga pagbawal sa pag-apil sa usa ka mambabalaod isip prosecutor sa impeachment trial bisan pa ug ni-abstain siya sa pagboto sa pag-apruba sa kaso sa plenaryo.
Sumala ni Atty. Eddie Cuaresma us aka legal expert, nga bisan pa adunay “bikil” o pangduha-duha sa uban, legally speaking, walay balaod nga nag-prohibit niini gumikan ang qualification sa pagserbisyo isip prosecutor gumikan mahimo man sa usa ka abogado, ug lakip usab ang private prosecutors.
Apan giila usab sa eksperto nga mahimong matunga ang isyu sa moralidad o conflict of interest, labi na kung ang usa ka prosecutor kaniadto wala miboto pabor sa impeachment.
Matod ni Cueresma, mahimong magpahimulos ang publiko sa pangutana kon “naa ba’y bias” o unsa gyud ang tinuod nga motibo.
Gipunto usab nga mas maayo unta kung ang gipili nga mga prosecutors kay kadtong klarong miboto pabor sa impeachment aron malikayan ang pagduha-duha ug mas mapalig-on ang pagsalig sa proseso.
Bisan pa niini, gipunting sa mga abogado nga sa legal nga aspeto, valid gihapon ang ilang partisipasyon ug magpadayon ang proseso basta mosunod sa balaod ug ebidensya.