Sam Verzosa giklaro nga managhigala lang sila ni Kyline Alcantara ug Faith Da Silva

Gihimakak sa negosyante ug TV personality nga si Sam Verzosa ang mga hungihong sa social media nga duna siya’y romantikong relasyon sa mga aktres nga sila si Kyline Alcantara ug Faith Da Silva.

Atol sa iyang pamahayag niadtong Lunes, Hunyo 22, dinalian niyang gipatin-aw nga lunsay nga panaghigalaay lang gyud ang naa kanila ug walay nahitabong pag-date. Nangayo usab siya og pasaylo kang Kyline tungod sa pagkalambigit sa ngalan niini sa mga hungihong, dungan sa pagpasalig nga kung duna man ugaling siya’y bag-ong karelasyon sa umaabot, kusa ra niya kini nga ipahibalo sa publiko.