- Advertisement -
Nabuhi pag-usab ang paglaum sa Team Croatia human niini gipildi ang koponan sa Panama, 1-0, sa nagpadayong group stage sa FIFA World Cup karong adlawa, Hunyo 24.
Atol sa ilang kulba-hinam nga sangka didto sa Toronto Stadium, nahimong pisikal ang dula diin nag-0-0 ang iskor sa unang tunga. Apan sa ikaduhang tunga, dinalian nga nakapuntos ang striker sa Croatia nga si Ante Budimir pinaagi sa usa ka nindot nga goal sa ika-54 nga minuto.
Tungod sa maong kalamposan, nagpabilin nga buhi ang kahigayonan sa Croatia sa torneo samtang pormal nang natagak ang Panama. Aron hingpit nga maka-abante sa sunod nga round, kinahanglan gihapon sa Croatia nga pildihon ang Ghana sa ilang katapusang dula karong Sabado.
- Advertisement -