Red Cross, gikabalak-an ang sa nagkagrabe nga kahimtang sa panglawas sa Yemen

Gipahimangnoan sa International Committee of the Red Cross (ICRC) nga hapit na malumos sa kabug-at sa sitwasyon ang sistema sa panglawas sa Yemen tungod sa nagkadaghang mga samaran nga gidala sa mga ospital tungod sa nagpadayong panagbangi.

Matud ni Feras Abusamra, health coordinator sa grupo, nagkakulang na ang mga ospital sa surgical materials, anesthesia, oxygen ug mga tambal nga gikinahanglan sa pagtambal sa mga pasyente.

Gikabalak-an usab sa ICRC nga posibleng mosaka pa ang gidaghanon sa mga biktima tungod sa nagpadayong mga pag-atake nga nalambigit sa Houthi rebels.

Tungod sa nagkagrabeng krisis, nakadala na ang grupo og 500 ka tonelada sa mga tambal ug uban pang suplay medikal aron matubag ang nagkadakong panginahanglan sa nasud.