Nagpabiling kumpiyansa ang House prosecution panel sa impeachment trial batok kang Vice President Sara Duterte bisan pa sa posibilidad nga adunay mga ebidensya nga mahimong dili dayon madawat sa impeachment court.
Gipasabot nila Batangas Representative Gerville Luistro ug Iloilo Representative Lorez Defensor nga andam sila sa pagpresentar sa ilang mga testigo ug ebidensya, ug sumala kanila, adunay proseso sa pre-trial diin mahimo pang modugang og ebidensya basta adunay igo nga rason ug aprobahan sa impeachment court.
Sumala usab sa prosecution panel nga ang pagbabag sa ebidensya mahimong makaapekto dili lamang sa ilang kampo kundili usab sa pagtan-aw sa publiko ngadto sa mga senator-judges.
Matud pa ni Rep. Defenson, nga importante nga mahatagan og higayon nga mabutyag ang tanang ebidensya aron masiguro ang transparency ug fairness sa impeachment proceedings.
Bisan pa sa mga posibleng legal ug procedural nga hagit, gisaad sa House prosecutors nga ilang respetuhon ang impeachment court samtang ipadayon nila ang pagdepensa sa ilang kaso atol sa pagdungog.