Prosecution andam moatubang kung iapela sa Korte Suprema ang subpoena sa records ni VP Sara

Andam ang House Prosecution Panel nga moatubang sa posibleng pag-apela sa depensa ngadto sa Korte Suprema human tugotan sa impeachment court ang pagkuha sa financial ug tax records ni Bise Presidente Sara Duterte.

Matud ni Representative Leila de Lima, lig-on ang ilang legal ug factual nga basehan sa paghangyo sa maong mga dokumento.

Gipahayag ni House Legal Spokesperson Atty. Benjamin Tolosa Jr. ang kaandam sa prosecution sa bisan unsang lakang sa depensa nga mahimong mosulay pagpugong sa pagpresentar sa ilang mga ebidensya.

Alang kang Deputy Speaker Paulo Ortega, ang pag-apruba sa subpoena dili kadaugan sa prosecution o depensa, kundili usa ka lakang aron masusi ang kamatuoran pinaagi sa mga rekord.