Gipangandaman ang mga mosyon ug uban pang procedural issues sa unang adlaw sa impeachment trial batok kang Vice President Sara Duterte karong Lunes.
Matud ni House prosecution spokesperson ug kanhi kongresista Ace Barbers, importante nga masulbad una ang tanang procedural issues aron hapsay ug walay legal nga babag ang dagan sa pagdungog.
Gipasabot ni Barbers nga human niini, mahimo nang mosunod ang pagpresentar sa mga ebidensya ug mga testigo sa umaabot nga mga pagdungog.
Gilauman usab nga motambong sa unang adlaw sa trial ang tanang miyembro sa prosecution panel, lakip ang mga bag-ong private prosecutors nga mopasaka pa sa ilang entry of appearance.
Matud ni Barbers nga andam na ang prosecution panel sa pagpresentar sa ilang mga ebidensya ug mga testigo, ilabina kay dugay na nilang giandam ang maong kaso.
ipaabot nga molungtad ang impeachment trial sulod sa kapin pito ka bulan ug posible pa nga moabot og walo ka bulan.
Gipunting usab ni Barbers nga usa sa mga angay tutokan sa unang adlaw mao ang mga procedural issues, lakip ang opisyal nga magdumala sa impeachment court ug ang pagdesisyon sa korte sa pagdawat o pagsalikway sa mga ebidensya nga ipresentar sa duha ka kampo.
Magsugod ang impeachment trial karong Lunes, ug gilauman nga molungtad kini og kapin sa pito ka bulan.