Nagpabilin nga mainit ang mga isyung legal sa impeachment trial ni Vice President Sara Duterte human gipasabot ni Senator Panfilo Lacson nga walay awtoridad ang Senate Impeachment Court sa pag-abli sa selyadong kahon sa Bureau of Internal Revenue nga naglangkob sa tax records sa Bise Presidente ug sa iyang bana.
Matod ni Lacson, subay sa Section 71 sa Tax Code, confidential ang maong mga rekord ug mahimo lamang kini maablihan kon adunay nakasulat nga pagtugot gikan sa Office of the President pinaagi sa rekomendasyon sa BIR ug Department of Finance, o pinaagi sa waiver gikan sa respondent.
Sumala ni Lacson, nga ang House Prosecution Panel ang kinahanglan una nga motuman sa maong legal nga proseso aron mahimong magamit ang mga dokumento isip ebidensya sa impeachment trial.