POC, nagtutok na sa LA 2028 human sa Asian Games

Gipunting na sa Philippine Olympic Committee (POC) ang pagpangandam sa Pilipinas alang sa 2028 Los Angeles Olympics human sa pagtapos sa 20th Asian Games sa Aichi-Nagoya, Japan.

Sumala kang POC President Abraham “Bambol” Tolentino, bisan wala makuha sa Team Pilipinas ang target nga bulawang medalya, natupngan niini ang nahipos nga gold medals sa miaging Asian Games.

Nakahipos ang Pilipinas og upat ka gold, siyam ka silver ug daghang bronze medals sa maong torneyo.

Gihatagan ni Tolentino og gibug-aton ang pagpalig-on sa pagpangandam sa mga atleta, lakip ang pagkuha og mga langyaw nga coach, aron mas mapauswag ang pasundayag sa nasud sa umaabot nga mga kompetisyon, ilabina sa LA Olympics sa 2028.