Nagkauyon ang nasud sa Pilipinas ug Poland nga palig-onon ang kooperasyon sa agrikultura, negosayon ug pagpalambo sa kahanas sa mga mamumuo.
Ang kasabutan gihisgutan sa panagtagbo ni Cabinet Secretary Benjamin “Benhur” Abalos Jr. ug sa delegasyon sa Poland nga gipangulohan ni Minister of Agriculture and Rural Development Stefan Krajewski.
Nakigpulong usab ang delegasyon sa mga opisyal sa Department of Agriculture (DA), Department of Migrant Workers (DMW) ug Technical Education and Skills Development Authority (TESDA) aron hisgutan ang bag-ong mga oportunidad alang sa bilateral nga relasyon sa duha ka nasud.
Lakip sa kasabutan ang pagpalapad sa natad sa ekonomiya sa mga produktong agrikultural sama sa baboy, manok, mansanas, ug uban pang produkto.
Gihisgutan usab ang pagpalig-on sa mga programa sa pagbansay ug sertipikasyon alang sa mga Pilipinong mamumuo aron mapalambo ang kahigayonan sa trabaho.