Panagbangi sa yuta ang gitudlong motibo sa pagpamusil-patay sa usa ka Ex-kumander sa iyang igsoon

Gituohang panaglalis sa yuta ang hinungdan sa pagpusil patay sa usa ka lalaki sa Purok 2, Brgy. Tablon karong adlawa sa syudad sa Cagayan de Oro.

Giila sa kapulisan ang suspek nga si retired Major Eddie Acut, kanhi station commander sa Cugman Police Station ug manghod sa biktima nga si Henry Acut.

Nasuta nga nahitabo ang pagpusil gawas sa balay sa suspek gamit ang gituohang 9mm pistol.

Dugang pa ni Cugman Police Station commander Major Jason Felisilda, gihulat pa ang opisyal nga imbestigasyon sa Scene of the Crime Operatives aron matino ang eksaktong hinungdan sa kamatayon.