Pamasahe sa eroplano, gilauman nga mosaka sa sunod bulan – Civil Aeronautics Board (CAB)

Gilauman ang pagsaka sa pamasahe sa mga pampasaherong eroplano karong Septiyembre.

Sumala sa Civil Aeronautics Board kon CAB, ilang gipataas ang fuel surcharge tungod sa padayong pagsaka sa presyo sa jet fuel sa nasud.

Ang fuel surcharge usa ka optional nga bayranan nga gipahamtang sa mga airline aron mabawi ang dugang nga gasto tungod sa pagsaka sa presyo sa lana.

Lahi kini sa base fare o batakang pamasahe sa eroplano.

Gikan sa Agosto 16 hangtod 31, Level 12 ang fuel surcharge.

Apan sugod sa Septiyembre 1 hangtod 15, gipataas kini ngadto sa Level 13, nga mahimong moresulta sa dugang nga pamasahe sa mga pasahero.