Kahadlok ug kalingawan ang nasinati sa usa ka babaye human kini kalit nga milukso ug misalom sa usa ka atabay, samtang giingong nakainom sa maong higayon.
Sumala sa mga nakasaksi, nagdula-dula lamang unta sa tubig si Joanna sa dihang kalit lang siyang nakahunahuna nga molukso ug mosalom sa atabay.
Wala damha sa mga nakakita ang iyang kalit nga gibuhat.
Matod sa nag-upload sa video nga si Loreza Legion Enero, sayo pa lamang sa buntag apan nakainom na si Joanna.
Tungod sa iyang pagkahubog, kung unsa-unsa na lamang ang iyang gihunahuna ug gisulti.
Matod pa ni Enero, nasayran nila ang nahitabo dihang misinggit si Joanna ug giingnan sila sa usa ka silingan nga naa na kini sa sulod sa atabay.
Dali usab nga miresponde ang mga silingan aron matabangan ug makuha si Joanna gikan sa atabay.
Bisan pa sa kahadlok nga nahitabo, luwas ug malampusong nasalbar si Joanna.
Apan human sa rescue operation, misulay pa kuno siya pag-usab og patihulog sa atabay samtang nagpadayon sa pagsulti og mga dili klarong pulong.
Wala usab giingong grabeng kadaot nga iyang naangkon human sa maong insidente.