Pagpangita sa Na-missing nga mga Climber sa Avalanche sa Pakistan, Gipadayon

Gipadayon sa mga rescue team sa Pakistan ang ilang operasyon sa pagpangita ug pagluwas sa mga climber nga na-missing human sila maigo sa usa ka kusog nga avalanche o pagtumpag sa yelo sa kabukiran sa maong nasod.

Bisan sa padayon nga peligro sa dapit ug sa dili maayong panahon, wala niatras ang mga awtoridad ug gigamit ang mga military helicopter ug espesyal nga mga pundok sa pagluwas aron masuyod ang dako nga natad sa yelo.

Matud sa mga awtoridad, napugos temporaryo nga gipahunong ang pagpangita sa miaging mga adlaw tungod sa grabe nga hangin ug peligro sa dugang pagtumpag sa yelo, apan dali kining gipadayon sa dihang miarang-arang gamay ang dagan sa panahon sa pamasin nga makatabang pa sa mga naluwas.