Nagkagubot ug adunay natigayung pinusilay sa sulod sa Senado niadtong Miyerkules sa gabii, Mayo 13, samtang nagpadayon ang tensyon kalabot sa posibleng pag-aresto kang Sen. Ronald “Bato” dela Rosa tungod sa giingong warrant gikan sa International Criminal Court.
Nadungog sa mga saksi ug media ang sunod-sunod nga buto sa pusil sulod sa Senate complex, hinungdan nga nagdagan pa gawas ang mga mamamahayag ug staff aron mangita og kaluwasan.
Mipahayag si Senate President Sen. Alan Peter Cayetano nga giingong adunay mga sakop sa National Bureau of Investigation ang migamit og barena pasulod sa Senate of the Philippines.
Wala pa nasayran kung kinsa ang nagpabuto o kung kinsa ang target sa insidente.
Nanawagan si Sen. Alan Peter Cayetano sa gobyerno nga ipasabot sa publiko kon unsay eksaktong nahitabo sulod sa Senado human sa sunod-sunod nga pagbuto sa pusil nga nadungog.
Gikumpirma usab niini nga anaa na sa maayo ug luwas nga kahimtang si Senator Ronald “Bato” dela Rosa .
Wala natala nga nasamadan o namatay base sa impormasyon sa Senado..