Nakumpiska ang Police Regional Office 10 o PRO10 og kapin P7.5 milyon nga kantidad sa mga kontrabando, samtang 177 ka mga indibidwal ang nadakpan atol sa sunod-sunod nga operasyon sa kapulisan gikan Agosto 6 hangtod 12, 2026 sa tibuok Northern Mindanao.
Sa kampanya batok ilegal nga droga, 64 ka operasyon ang gihimo nga misangpot sa pagkadakop sa 70 ka indibidwal ug pagkakumpiska sa 385.469 gramos nga shabu, 3,211 ka tanom ug 0.22 gramos nga uga nga dahon sa marijuana, nga mokabat og P2,685,415.20 ang Standard Drug Price.
Nasikop usab ang 11 ka indibidwal sa siyam ka operasyon batok ilegal nga sugal, samtang P3,997 nga mga gamit sa ilegal nga sugal ang nakumpiska.
Dugang pa 55 ka wanted persons ang nadakpan, lakip ang 17 ka Most Wanted Persons ug 38 ka Other Wanted Persons.
Samtang tulo ka indibidwal ang nadakpan ug 19 ka gagmayng armas ang nakumpiska, diin gitugyan ug narekober atol sa 19 ka operasyon batok loose firearms o Kontra Boga.
Sa kampanya batok ilegal nga pagmina, 20 ang nadakpan sa 16 ka operasyon ug mga gamit nga mokabat og P2,737,160 ang nakumpiska.
Samtang 18 ka indibidwal ang nadakpan sa 32 ka operasyon batok smuggling sa sigarilyo, diin nakumpiska ang kontrabando nga nagkantidad og P2,115,840.
Gipasiugda ni PRO10 Regional Director PBGen Christopher N. Abrahano nga ipadayon ug pakusgan sa kapulisan ang kampanya batok ilegal nga droga, smuggling, ilegal nga pagmina, sugal, loose firearms ug uban pang ilegal nga kalihokan aron mapanalipdan ang kalinaw ug seguridad sa mga komunidad sa Northern Mindanao.Â