Boluntaryong misurender sa mga otoridad ang duha ka kanhi miyembro sa Communist Terrorist Group o CTG atol sa managlahing operasyon sa Don Carlos ug Malaybalay City, Bukidnon kagahapong adlawa, Agosto 14, 2026.
Una nga misurender si alyas “Dodong,” 42 anyos, ulitawo ug mag-uuma, nga kanhi miyembro sa gibungkag nga Guerrilla Front 53 o GF53, Southern Mindanao Regional Committee.
Mitahan usa kini sa 2nd PMFC Headquarters sa Barangay Pinamaloy, Don Carlos, atol sa koordinadong operasyon sa kapulisan ug partner agencies.
Sa susamang adlaw, gitugyan usab ang iyang kaugalingon ni alyas “Rapid,” 53 anyos, minyo, ug kanhi miyembro sa Special Regional Strike and Development Group o SRSDG, SRC2, North Central Mindanao Regional Committee.
Mitahan usab kini sa Barangay Zamboanguita, Malaybalay City, atol sa Oplan “ARIS.”
Ang duha anaa na sa kustodiya sa gobyerno alang sa hustong pagproseso ug reintegration interventions.