Misteryusong porma, nakitang naglutaw-lutaw sa kawanangan sa British Columbia

Nakitang naglutaw-lutaw sa kawanangan ang usa ka wala mailhing porma nga nakapahimog katingalahan sa mga residente sa British Columbia sa niaging gabii.

Nataho ang mga sightings sa nagkalain-laing lugar sa central ug northern British Columbia tali sa alas 10 hangtod alas 11 sa gabii.

Sumala ni Patsy Seymour, hayag kaayo ang maong porma ug hinay-hinay nga nihupay ang kahayag niini samtang nagpalayo gikan sa iyang nahimutangan.

Hangtod karon, wala pa matino sa mga eksperto kung unsa gyud ang maong nakita, apan adunay pipila ka observers nga nagtuo nga posible kining runaway weather balloon.