Nagpasidaan ang Senate Impeachment Court nga mahimong pahamtangan og sanctions ang mga testigo ug abogado nga dili diretso motubag sa mga pangutana sa mga Senator-Judges sa impeachment trial ni Vice President Sara Duterte.
Matud ni Senate Impeachment Court Spokesperson Atty. Reginald Tongol, mao kini ang katuyoan sa pagsita ni Presiding Officer Francis “Chiz” Escudero kang kanhi COA auditor Atty. Roderick Wamil human sa tensyon nga nahitabo tali kaniya ug ni Senator-Judge Imee Marcos atol sa interpellation.
Ang nahimong pagnalalis tali ni Senator-Judge Senator-Judge Imee Marcos kang kanhi State Auditor Atty. Roderick Wamil.
Giklaro usab ni Tongol, nga wala sa gahum sa Presiding Officer ang pagpugong sa kalidad o direksyon sa ilang mga pangutana tungod kay ang mga Senator-Judges mismo ang mohukom sa katapusan kon mapamatud-an ba o dili ang mga alegasyon batok sa Bise Presidente base sa mga ebidensyang ipresentar sa impeachment court.