Miatras na sa ilang nauna nga mga alegasyon ang upat ka mga nagpa-ilang kanhi bodyguard ni kanhi Ako Bicol Party-list Representative Zaldy Co.
Sa ilang bag-ong affidavit, giingon sa upat ka lalaki nga dili tinuod ang ilang nauna nga mga pamahayag nga naglambigit kang Presidente Ferdinand Marcos Jr., kanhi House Speaker ug Leyte 1st District Representative Martin Romualdez, Zaldy Co, ug uban pang personalidad sa giingong pag-apod-apod og mga maleta nga adunay kuwarta.
Matud nila, mipirma sila kaniadto sa joint affidavit tungod sa saad nga pinansyal nga tabang ug seguridad alang sa ilang mga pamilya.
Tulo sa upat ka kanhing bodyguard ang miingon nga ang ilang nauna nga affidavit nasumite na sa Office of the Ombudsman ug gigamit karon sa imbestigasyon batok kang Romualdez ug uban pa.
Giangkon usab nila nga sa ilang pag-atubang sa Ombudsman, napugos matud sila sa pagpirma sa andam nang affidavit ug gihulga nga kasohan kon dili mosunod.