Mga Pilipinong nagdepensa sa China, gikuwestiyon 

Gikuwestiyon ni Sen. JV Ejercito ang baroganan sa pipila ka Pilipino nga nagdepensa sa China, bisan pa nga giila kini nga kaatbang sa Pilipinas.

Matud pa niya, makapaguol nga adunay mga Pilipino nga mopabor sa China imbis nga unahon ang interes sa kaugalingong nasud.

Gibug-atan usab sa senador ang iyang pagsaway sa mga tawo nga iyang giingong nagdepensa sa China samtang ang Pilipinas maoy naapektuhan sa panagbangi.

Iyang gikuwestiyon kon ang maong pamatasan ba mahimong ikonsiderar nga pagbudhi sa nasud, apan wala kini magpasabot nga adunay napamatud-ang legal nga paglapas.