Nagpatawag na ang Criminal Investigation and Detection Group (CIDG) og kapin 21 ka tawo isip kabahin sa imbestigasyon sa ilegal nga droga nga nasakmit gikan sa Laos, aron makuha ang ilang mga pahayag ug masusi ang posibleng kalambigitan sa maong kaso.
Matud sa opisyal, dili pasabot nga direktang nalambigit sa ilegal nga droga ang tanang gipatawag, kondili gihatagan sila og higayon nga makahatag sa ilang bahin ug makagamit sa ilang katungod nga madungog.
Kadaghanan o hapit tanang gipatawag mitambong na sa CIDG.
Gidugang sa opisyal nga posibleng modaghan pa ang mga ipatawag samtang nagpadayon ang pagkuha sa mga pahayag ug adunay mga bag-ong detalye nga mahimong mosangpot sa pag-imbitar sa ubang tawo.
Nanawagan ang CIDG sa tanang nakadawat og subpoena nga motambong ug mokooperar sa imbestigasyon.
Gihangyo usab ang mga gimandoang magdala og dokumento nga isumiter ang gikinahanglang mga papeles.