Nagkadaghan na karon ang mga estudyante sa kolehiyo sa China nga nag-abang og Artificial Intelligence (AI) smart glasses sa kantidad nga 40 hangtod 80 yuan (gibana-bana nga P350 hangtod P700) matag adlaw alang sa tinguha nga makakuha og mga tubag aron makapasar sa mga lisod nga exam.
Kini nga mga smart glasses adunay built-in camera ug audio features nga direktang konektado sa mga AI tools sama sa ChatGPT, diin kaya niining i-scan ang mga pangutana ug ipakita ang mga tubag sa mismong lente pinaagi sa augmented reality nga dili mamatikdan sa mga magtutudlo.
Tungod ang mga modernong modelo niini nipis na ug maitandi sa ordinaryo lamang nga antipara.
Nagpabilin kini nga hagit sa mga tunghaan bisan pa man kon hugot ginadili na kini sa mga dagkong nasudnong pagtuon.
Napamatud-an ang katingalahang abilidad niini sa usa ka eksperimento sa Hong Kong University of Science and Technology diin ang usa ka estudyante nga naggamit sa AI glasses nakakuha og markang 92.5 ug nalakip sa top 5 sa klase, samtang 72 lamang ang kasagarang marka sa uban.
Ang maong teknolohiya naghatag karon og dakong kabalaka sa akademiya tungod sa epekto niini sa integridad sa mga exams ug sa tinuod nga kahibalo sa mga tinun-an.