Nakakaplag og bulawan nga gibanabana nga mokantidad og ₱600 milyon ang mga construction worker samtang nag-renovate sa usa ka building sa Dendermonde, Belgium.
Sumala sa kapulisan, nakit-an ang daghang bulawan sulod sa mga bungbong sa basement sa usa ka balay, lakip na ang mokabat sa 50 ka gold bars ug mga sensilyong bulawan.
Nadiskubre matud pa kini samtang nagkalot ang mga trabahante alang sa pag-instalar og tubo para sa sewerage system.
Gidala dayon ug gi-inventory ang mga bulawan ug gibutang sa usa ka high-security vault nga kontrolado sa federal government services.
Wala pa masayri kung kinsa ang legal nga tag-iya sa maong bahandi.
Nagpasidaan usab ang kapulisan sa mga treasure hunter nga dili na moadto sa maong lugar.
Padayon ang imbestigasyon aron mahibal-an ang gigikanan sa bulawan ug kung kinsa ang tinuod nga tag-iya sa maong nakit-an nga bahandi.