Gipahigayon ang survey sa mga airline companies sa Bukidnon Airport isip kabahin sa ilang preparasyon kon unsa na ka andam ang tugpanan alang sa umaabot nga pagbukas sa domestic commercial flights.
Gibutyag ni Engr. Chito Halasan Civil Aviation Authority of the PHilippines kon CAAP nga nagpahigayon sa mga survey ang mga airline companies sama sa Cebu Pacific inubanan sa mga personahe gikan sa air traffic services aron susihon ang kahimtang sa runway ug uban pang pasilidad sa BUKIDNON AIRPORT DEVELOPMENT PROJECT sa lalawigan.
Lakip usab niini ang pag-assess sa ubang airline companies sama sa Philippine Airlines.
Dugang nga prayoridad sa ilang buhatan ang pagpalapad sa runway ngadto sa 2.1 kilometro aron adunay kasayon nga makatugpa ang tanag matang sa mga abyon.
Nagtuo usab si Halasan nga makadani kini sa daghang commercial flights. Personal usab kining gibisita ni senator Juan Miguel “Migz” Zubiri ang tugpahanan niadtong milabay nGA semana.