Magpahigayun og bag-ong medical assessment ug legal review sa kampo ni kanhing Pangulong Rodrigo Duterte sa International Criminal Court (ICC) samtang nag-andam pa ang korte sa pagsugod sa pagdungog.
Matud sa iyang bag-ong legal team, nangayo sila og dugang evaluation aron masiguro nga patas ug hapsay ang proseso sa pag-atubang sa kaso, ug nga makasunod ang ilang kliyente sa mga pagdungog sa korte.
Gipahimangno usab ni Presiding Judge Joanna Korner nga importante nga tagdon ang kahimtang sa panglawas ni Duterte, ug gisugyot nga limitahan ang presentasyon sa ebidensya aron malikayan ang sobrang pagkalangan sa proseso.
Sa bahin sa depensa, sumala ni Atty. Peter Haynes nga kinahanglan masiguro nga ang kanhing presidente makasunod ug makaapil og epektibo sa iyang depensa, ug iyang giingon nga ang kalig-on sa panglawas ug kahimtang sa panghunahuna usa ka importante nga basehan sa “fit to stand trial.”
Gisugyot usab sa depensa nga ang pagsugod sa trial ipahimutang human sa pipila ka bulan gikan sa pagkompleto sa disclosure sa ebidensya, nga posibleng moresulta sa pagsugod sa kaso sa ulahing bahin sa tuig o bisan sa 2027.
Apan ang mga biktima, pinaagi kang Atty. Paolina Massidda, mipahayag nga gusto na nila masugdan dayon ang trial aron dili na molungtad ang ilang pagpangita og hustisya.
Matud nila, ang paghulat hangtod 2027 sobra na ka taas ug makapaluya sa proseso sa katarungan.
Bisan pa niini, gisugyot sa ilang kampo nga pwede magsugod ang pagdungog sa Nobyembre, samtang gi-iskedyul ang uban pang isyu sama sa interpretasyon sa 2027 aron dili mapugngan ang pag-uswag sa kaso.