Nisulod sa grand finals sa Britain’s Got Talent (BGT) ang Pinoy singer nga si Matty Juniosa human niya nadawat ang talagsaong ikaduhang Golden Buzzer gikan ni Bruno Tonioli. Kini ang labing unang higayon sa kasaysayan sa BGT nga ang usa ka contestant nakadawat og duha ka Golden Buzzer sa usa ka season, human una siyang gi-buzzer ni Simon Cowell sa iyang audition.
Nakabilib og maayo si Matty sa iyang rendition sa kantang “My Way,” diin mibarog ang tanang hurado ug ang mga nanan-aw sa studio tungod sa iyang gamhanang tingog. Matod ni Bruno, angay lang nga hatagan si Matty og diretso nga slot sa finals tungod sa iyang world-class nga talento.
Nangandam na karon ang kanhi Idol Philippines contestant alang sa iyang grand final performance diin tinguha niya nga makuha ang kampiyonato sa United Kingdom.