Lyle ug Eleanor Gittens, gi-ila isip pinakatigulang nga magti-ayon sa kalibotan

Nakamugna og rekord isip pinakatigulang nga magtiayon sa kalibotan base sa ilang hiniusang edad sila Lyle ug Eleanor Gittens sa Estados Unidos, nga adunay kinatibuk-ang edad nga 216 ka tuig ug 132 ka adlaw sa Miami, Florida.

Si Lyle, 108 anyos, ug si Eleanor, 107 anyos, unang nagkaila niadtong 1941 isip mga estudyante sa Clark Atlanta University ug naminyo niadtong Hunyo 1942.

Sulod sa kapin walo ka dekada, kadaghanan sa ilang kinabuhi ilang gigugol nga magkauban sa New York City, sa wala pa mibalhin sa Miami aron mas duol sa ilang anak nga babaye.

Ang maong rekord gipamatud-an sa LongeviQuest, usa ka organisasyon nga nag-research ug nagdokumento sa mga tawo nga nakaabot sa edad nga kapin 100 anyos.