Gipalig-on sa Department of Agriculture kon DA ang kampanya batok sa pagbaligya sa mga peke ug substandard nga fertilizer, sunod sa mga operasyon nga gihimo sa Nueva Ecija.
Sumala sa DA, nagpahigayon og entrapment operation ang Talavera Municipal Police Station niadtong Hulyo 15 human makadawat og reklamo gikan sa usa ka manufacturer kabahin sa giingong pagbaligya og peke nga fertilizer products.
Misangpot ang operasyon sa pagkadiskubre sa usa ka gituohang unregistered warehouse ug manufacturing facility sa Barangay Sta. Monica, Rizal, Nueva Ecija.
Mga fertilizer products usab ang nasakmit sa mga otoridad sa maong lugar.
Sa duha ka managlahing operasyon, mokabat sa 778 ka sako sa fertilizer ang nasamsam, nga gibanabanang nagkantidad og kapin P748,000.
Padayon ang DA sa pagmonitor ug pagpatuman sa mga lakang aron mapanalipdan ang mga mag-uuma batok sa peke ug substandard nga agricultural products.