Gipahibalo sa Argentine football superstar ug eight-time Ballon d’Or winner nga si Lionel Messi ang iyang pagretiro sa international football.
Gitapos niini ang iyang karera sa international stage human sa 207 ka appearances, 125 ka goals, usa ka World Cup championship, duha ka Copa América titles ug usa ka Finalissima crown.
Matud sa 39-anyos nga football icon, magpadayon siya sa pagdula alang sa Inter Miami, diin nakapirma siya og kontrata hangtod sa tibuok 2028 MLS season.
Dugang ni Messi, sakit alang kaniya ang desisyon, apan nasabtan niya nga miabot na ang panahon alang sa iyang pagretiro. Sumla niini nga kanunay niyang gihatag ang tanan sa matag higayon nga nagsul-ob siya sa jersey sa Argentina, dili lamang sa mga katuigan nga nakadaog sila og dagkong titulo, kondili sukad pa kaniadto.
Gipahayag usab ni Messi nga nahigugma siya ug kanunay nga mahigugma sa pagrepresentar sa national team, apan gibati niya nga wala na siyay ikahatag pa ug adunay mga batan-ong magdudula nga angayan nang hatagan og higayon.
Bisan pa sa iyang edad, gipangulohan ni Messi ang Argentina sa ikaduha nga sunod-sunod nga pag-abot sa World Cup Finals. Napildi sila sa kampiyonato ning tuiga ug nagtapos isip runner-up kontra Spain.
Sumala pa kang Messi, gisulat niya ang iyang retirement statement niadtong Hulyo 21, duha lamang ka adlaw human sa World Cup final. Dugang niya, usa sa nakapadasig kaniya sa paghimo sa maong desisyon mao ang pagkamatay sa iyang amahan nga si Jorge Messi.