Libuan na nga mga residente sa Dakbayan sa Malaybalay ang apektado sa pagbaha. Ang mga namakwit ang mga residente naggikan sa Barangay Simaya, Santo Niño, Violeta, Sinanglanan, ug Apo macote.
Hisayran nga sa dul-an duha ka libo ka mga indibidwal ang naapektuhan sa pagbaha sa Barangay Sto. Niño ning syudad.sigon ni sto nino Barangay Kapitan Felix Gerongano, labing naapiktuhan mao ang purok-3 ug purok-4 nga daplin sa sapa.ang mga apektado nagpabilin pa sa Sto. Niño covered court.
Samtang sumala pa ni simaya Brgy Captain Nimfa Bautista anaa sa 104 ka pamilya o kapin 200 ka indibidwal, lakip na ang duha ka mabdos, napulo ka bata, duha ka senior citizen, ug usa ka person with disability ilang namakwit gikan sa ilang barangay. Duha usab ka ka panimalay usab ang naanod sa lapas tao nga tubig baha.
Samtang giasoy ni violeta Brgy Kapitan Efren S. Omallao Barangay Violeta, 61 ka pamilya ang misilong sa ilang covered court, diin gikasabotan nga magpabilin usa sila didto tungod sa hulga sa pag-ulan nga muresulta sa pagsaka sa tubig baha.