Subling giklaro sa eksperto sa balaod ang dakong kalapasan sa balaod kalabot na sa pagdawat og salapi atol sa kampanyo sa eleksiyon.
Matud ni Atty. Eddie Cuaresma, ang kanhi presidente sa Integrated Bar of the Philippines, nga walay bisan kinsa o balaod nga nagatugot sa pagdawat og mga “kickback” o “gifts,” ilabi na kung ikaw usa ka opisyal sa gobyerno.
Kini nga katin-awan giluwatan sa maong abogado dungan sa nagpadayong isyu ug mga ginaatubang nga legal nga hagit sa kampo ni Senador Rodante Marcoleta kalabot sa pipila ka alegasyon.
Sumala pa ni Atty. Cuaresma, ang maong mga binuhatan mamahimong motuboy ngadto sa mga bug-at nga kaso sama sa bribery, indirect bribery, ug kung dako na gani ang kantidad nga nalambigit, mamahimo na kining moabot sa kasong plunder.
Dugang pa niini, gikinahanglan gayud nga i-explain o hatagan kini og katin-awan sa makiangayon ug patas nga pamaagi tungod kay seryoso ang implikasyon niini ubos sa atong balaod sa korapsyon.
Samtang, gikomentaryohan usab niini, ang mulo sa kampo ni Senador Rodante Marcoleta kalabot sa giingong “selective justice” o pinili nga pagpatuman sa hustisya sa nasud.
Sumala pa ni Atty. Cuaresma, dako ang posibilidad nga gigamit kini isip pamulitika sa kasamtangang administrasyon batok sa mga kaatbang sa politika.