Gisuportahan ni Atty. Eddie Cuaresma, kanhi presidente sa Integrated Bar of the Philippines, ang pagpresenta kang Col. Lachica isip witness sa depensa sa impeachment trial ni Vice President Sara Duterte.
Sa pakighinabi sa Bombo Radyo Malaybalay, gipasabot ni Cuaresma nga mas angay nga ang depensa ang mopatawag kang Lachica tungod kay dili kini witness sa prosecution ug posible kining makahatag og katin-awan sa kontrobersiyal nga paggamit sa confidential funds.
Gipunting usab sa legal expert nga ubang opisyal ug kawani sa Armed Forces of the Philippines ang nagpahayag na nga wala silay kahibalo o kalambigitan sa maong pondo. Tungod niini, nagtuo si Cuaresma nga husto nga lakang ang pagpresenta kang Lachica aron matubag ang mga pangutana ug mahatagan og higayon ang kampo sa Bise Presidente nga mapamatud-an ang ilang bersyon sa isyu.