Nasaksihan sa Dapitan City ang usa ka talagsaon ug makahanduraw nga kasal nga daling nakapa-ukyab ug nag-viral sa social media. Gikasal sa Saint James the Greater Parish ang magtiayong silang Ronnie Enderez ug Tisha Marie Enderez.
Ang nakapahimo niining viral ug talagsaon kay nagbaylo sila og pormat sa ilang suot base sa ilang tinuod nga pagkatawo: si Ronnie, nga usa ka bayot, maoy nahimong “bride” diin nagsul-ob kini og wedding gown human gi-makeup-an ug gitangtangan og bangas. Samtang si Tisha naman, nga usa ka tomboy, maoy nagsul-ob og Barong Tagalog isip “groom”.
Bisan pa man nga miyembro sila sa LGBTQ+ community, walay nahimong babag sa ilang kasal ug gidawat sila ni Msgr. John Warren Maratas. Kini tungod kay sa mata sa Simbahan ug sa balaod, biological nga lalaki ug babaye gihapon ang duha. Sumala sa officiating priest, kini usa ka nindot nga ehemplo sa panultihon nga “love knows no boundaries” o ang gugma walay gipili nga utlanan. Sa ilang mga vows, nisaad silang Ronnie ug Tisha nga magpabiling mag-uban hangtod sa kamatayon taliwala sa bisan unsang pagsulay ug paghukom sa ubang tawo.