Nag-atubang karon og kasong Cyber Libel ang kanhi testigo sa Senado nga si Michael Murillo human kini pasakai og pormal nga sumbong sa korte.
Matud pa ni Prosecutor General Richard Anthony Fadullon sa National Prosecution Service, ang kaso gipasaka sa Pasig Regional Trial Court niadtong Enero 2026 subay sa rekomendasyon sa prosekusyon.
Si Murillo, nga naila usab sa alyas nga “Rene,” mao ang kanhi testigo sa imbestigasyon sa Senado batok kang Pastor Apollo Quiboloy ug sa Kingdom of Jesus Christ (KOJC).
Sa pikas bahin, gibasura sa Department of Justice (DOJ) ang managlahing reklamo sa cyber libel nga gipasaka ni Sen. Risa Hontiveros batok nilang Atty. Ferdinand Topacio, Byron Cristobal, Jeffrey Celiz, Lorraine Badoy ug uban pa.
Gipasabot ni DOJ Spokesperson Atty. Mico Clavano nga wala makakita ang prosekusyon og prima facie evidence o igong basehan aron magpadayon ang kaso batok sa kampo ni Topacio.